Federata e Futbollit të Kosovës, ka njoftuar se sot do të zhvillohet ndeshja revyale në stadiumin e Flamurtarit.

Ndeshja do të zhvillohet në nder të  30-vjetorit të themelimit të Federatës së Futbollit të Kosovës dhe fillimit të kampionatit të parë të pavarur të futbollit kosovar.

Njoftimi i plotë:

Ju njoftojmë se sot në orën 17:00 në stadiumin e Flamurtarit do të zhvillohet ndeshja revyale në shënim të 30-vjetorit të themelimit të Federatës së Futbollit të Kosovës dhe fillimit të kampionatit të parë të pavarur të futbollit kosovar, ku do të ballafaqohen veteranët e Flamurtarit dhe veteranët e Prishtinës, shumica e të cilëve ishin pjesë e ndeshjes së 13 shtatorit të vitit 1991, që shënoi fillimin e kampionatit të parë të Republikës së Kosovës. /arbresh.info/